φησὶ δ´ οὖν Ἄμμωνα βασιλεύοντα τοῦ μέρους τῆς Λιβύης Οὐρανοῦ γῆμαι θυγατέρα τὴν προσαγορευομένην Ῥέαν, ἀδελφὴν οὖσαν Κρόνου τε καὶ τῶν ἄλλων Τιτάνων. ἐπιόντα δὲ τὴν βασιλείαν εὑρεῖν πλησίον τῶν Κεραυνίων καλουμένων ὀρῶν παρθένον τῷ κάλλει διαφέρουσαν Ἀμάλθειαν ὄνομα. ἐρασθέντα δ´ αὐτῆς καὶ πλησιάσαντα γεννῆσαι παῖδα τῷ τε κάλλει καὶ τῇ ῥώμῃ θαυμαστόν, καὶ τὴν μὲν Ἀμάλθειαν ἀποδεῖξαι κυρίαν τοῦ σύνεγγυς τόπου παντός, ὄντος τῷ σχήματι παραπλησίου κέρατι βοός, ἀφ´ ἧς αἰτίας Ἑσπέρου κέρας προσαγορευθῆναι· διὰ δὲ τὴν ἀρετὴν τῆς χώρας εἶναι πλήρη παντοδαπῆς ἀμπέλου καὶ τῶν ἄλλων δένδρων τῶν ἡμέρους φερόντων καρπούς. τῆς δὲ προειρημένης γυναικὸς τὴν δυναστείαν παραλαβούσης, ἀπὸ ταύτης τὴν χώραν Ἀμαλθείας κέρας ὀνομασθῆναι· διὸ καὶ τοὺς μεταγενεστέρους ἀνθρώπους διὰ τὴν προειρημένην αἰτίαν τὴν κρατίστην γῆν καὶ παντοδαποῖς καρποῖς πλήθουσαν ὡσαύτως Ἀμαλθείας κέρας προσαγορεύειν. τὸν δ´ οὖν Ἄμμωνα φοβούμενον τὴν τῆς Ῥέας ζηλοτυπίαν κρύψαι τὸ γεγονός, καὶ τὸν παῖδα λάθρᾳ μετενεγκεῖν εἴς τινα πόλιν Νῦσαν, μακρὰν ἀπ´ ἐκείνων τῶν τόπων ἀπηρτημένην.

Dionisio afferma dunque che Ammone regnando su quella parte della Libia sposò la figlia di Urano nota con il nome di Rea, sorella di Crono e degli altri Titani. Ma percorrendo il regno vicino ai monti chiamati Cerauni trovò una fanciulla che si distingueva per la sua bellezza, di nome Amaltea. Innamoratosi, conobbe lei e generò un figlio di straordinaria bellezza e forza, nominando Amaltea signora della regione adiacente, simile a un corno di bue, da cui il luogo fu chiamato "corno di Espero". Grazie alla fertile terra, l'area era ricca di viti e alberi fruttiferi. Ricevuto l'autorità, la regione prese nome di Corno di Amaltea, tanto che le generazioni future chiamano quella terra prospera e abbondante in frutti il Corno di Amaltea. Tuttavia, Ammone per paura della gelosia di Rea nascose il neonato e trasferì segretamente il bambino in una città, Nisa, molto distante da quei luoghi.